Laylay Üzeyir Hacıbəyov

Laylay Üzeyir Hacıbəyov

Laylay dedim yatasan,
Qızıl gülə batasan
Gül yastığın içində
Şirin yuxu tapasan

Laylay gözüm ağlama,
Ürəyimi dağlama.
Yat yuxun şirin olsun,
Yuxuma daş bağlama.

Laylay dedim həmişə,
Karvan gedər enişə.
Yastığında gül bitsin,
Döşəyində bənəvşə.

Laylaya gəlin bala
Yuxusu dərin bala
Tanrıdan əhdim budur,
Toyunu görüm bala.

Laylay dedim gündə mən
Kölgədəsən, gündə mən.
İldə bir qurban olar,
Sənə qurban gündə mən.

Laylay əməyim bala,
Duzum, çörəyim bala.
Gözlərəm böyüyəsən,
Görüm köməyin bala.